کوژرانی لاوێكی كۆڵبه‌ر له سنووری بانه
دوشەممە ۱۱-۰۷-۱۴۰۱ | 03-10-2022
ڕۆژی یه‌كشه‌ممه ١٠ی ڕه‌زبه‌ر، لاوێکی كۆڵبه‌ر به ناوی سامان زارعی و خەلکی شاری بانە به ته‌قه‌ی ڕاستەوخۆی هێزه‌كانی ڕژیم گیانی لەدەستدا. هێزه نیزامییەكانی ڕژیم له سنووری هه‌نگه‌ژاڵی بانه كۆمه‌ڵێك كۆڵبه‌ریان داوه‌ته به‌ر ده‌سڕێژی گوللە و كۆڵبه‌رێك به‌ناوی سامان زارعی به ته‌قه‌ی ڕاسته‌وخۆ گیانی لەدەستدا. جێگای ئاماژه‌یه كه ڕۆژی چوارشه‌ممه ٣٠ی خه‌رمانان كۆڵبه‌رێكی دیكه‌ی خه‌ڵكی گوندی “نه‌جنه”ی سه‌ر به شار بانه به‌ناوی كه‌ریم ئاسمانی به ته‌قه‌ی هێزه‌كانی ڕژیم كوژرا.