کوژرانی لاوێکی کۆلبەر لە سنووری هەنگەژالی بانە
دوشەممە ۱۸-۰۷-۱۴۰۱ | 10-10-2022
لاوێکی کۆڵبەر خەڵکی بانە بە ناوی شەهرام واسڵی لە کاتی کۆڵبەری لە سنووری ئەم شارە بە تەقەی ڕاستەوخۆی هێزە چەکدارەکانی سەر سنووری ڕژیمی کۆماری ئیسلامی گیانی لەدەستدا.
ئێوارەی یەکشەممە ١٧ی ڕەزبەر،هێزە چەکدارەکانی سەر سنووری هەنگەژاڵی بانە تەقەیان لە کۆڵبەران کردووە کە بە هۆی ئەم تەقە کردنەوە کۆڵبەرێک بە ناوی شەهرام واسڵی دەستبەجێ گیانی لەدەست داوە.بە پێی هەواڵ دوو کۆڵبەری دیکەش بریندارن کە تا ئێستا ناویان نەزانراوە.