دەستبەسەرکرانی هەلسووراوێکی بواری مافەکانی ژنان لە شاری سنە
چوارشەممە ۲۷-۰۷-۱۴۰۱ | 19-10-2022
سوهەیلا محەممەدی چالاکی بواری مافەکانی ژنان لە لایەن هێزە ئەمنییەکانی شاری سنە دەستبەسەر و بۆ ناوەندی چاکسازی و بارهێنانی ئەم شارە گوازراوەتەوە.
ڕۆژی سێشەممە ڕێکەوتی ١٩ی ڕەزبەر، هێزە ئەمنییەکان هێرشیان کردووەتە سەر ماڵی سوهەیلا محەممەدی تەمەن ٥٧ ساڵ لە شاری سنە و دەستبەسەریان کردووە. هێزە ئەمنییەکان وێڕای دەستبەسەر کردنی سوهەیلا محەممەدی، مۆبایلی سەرجەم ئەندامانی بنەماڵەکەیان لەگەڵ خۆیان بردووە و هەروەها مۆبایل و کۆمپیوتەری سوهەیلا محەممەدیان لەگەڵ خۆیان بردووە.
شایانی باسه کە سوهەیلا محەممەدی دوای ٥ ڕۆژ لێپرسینەوە لە یەکێک لە ناوەندە ئەمنییەکان بۆ ناوەندی چاکسازی و بارهێنانی سنە گوازراوەتەوە.