Komala

بە پێی ئەو هەواڵانەی لە شاری سنەوە بەدەستمان گەیشتووە دوای شش رۆژ لە دەستبەسەرکرانی خەبات دێهدار سەرەڕای بەدوادا چوونە یەک لە دوای یەکەکانی بنەماڵەکەی، لە لایەن شۆعبەی یەکی دادگای ڕژیم لە شاری سنە ئاگادار کراونەتەوەوە کە خەبات لەلایەن سوپای پاسدارانەوە لەژێر چاودێریدا بووە و لەکۆتاییدا لەلایەن ئەوانەوە دەستگیرکراوە، لەم پەیوەندەدا دادگا ناتوانێ ھیچ دەست تێوەردانێک بکات. بۆ ئاگاداربوون لەو تۆمەتانەی خراوەتە پاڵی دەبێ لەگەڵ خودی سوپای پاسداران قسە بکەن.
شایانی باسە، تا کاتی ئامادە کردنی ئەم هەوالە بەدواداچوونی بنەمالەکەی بۆ ئاگاداری لە تەندرووستی خەبات و پەیوەندی تەلەیفونی لە گەڵی بێ ئاکام ماوەتەوە.