گیان بەختکردنی هاووڵاتیەکی خەلکی شاری سنە
یەکشەممە ۰۸-۰۸-۱۴۰۱ | 30-10-2022
لە خۆپیشاندان و ناڕەزایەتییەکانی شاری سنە ئیبراهیم میرزایی، شەوی چوارشەممە ٤ی خەزەڵوەر، لە چوار ڕێیانی عەباساوای شاری سنە، دوای بەرکەوتنی بە گازی فرمێسک ڕێژ، کە لەلایەن هێزە سەرکوتگەرەکانی ڕژیمەوە بەرەو ڕووی خەڵک فڕێدرابوو، تووشی کێشەی هەناسەدان بووە و لە ڕێگای گەڕانەوەی بۆ ماڵەوەدا گیانی لەدەستداوە.
سەرەڕای تێپەڕینی چوار ڕۆژ بەسەر گیان لەدەستدانی ئەو هاووڵاتییە، هەواڵەکەی هەتا ئێستا میدیایی نەکرابووەوە. ئیبراهیم میرزایی خەڵکی گوندی گەزگەزارەی سەر بە ناوچەی بڵواناوای شاری دێولان و دانیشتووی شاری سنە بوو.