مانگرتن كۆبوونه‌وی ناڕەزایەتی کرێکارانی شێركه‌تی کروز
یەکشەممە ۲۹-۰۸-۱۴۰۱ | 20-11-2022
ڕۆژی شەممە ٢٨ی خه‌زه‌ڵوه‌ر، کرێکارانی شێركه‌تی “كروز” جارێكی دیكه دژبه لەخوارەوە بوونی ئاستی حه‌قده‌سته‌كانیان دەستیان لە کار کێشایەوە و له حه‌وشه‌ی شێركه‌ته‌كه كۆبوونه‌وه‌ی ناڕەزایه‌تییان به‌ڕێوه‌برد.
به‌پێی ڕاپۆرته‌كان، کرێکارانی شێركه‌تی “كروز” بۆ جاری دوهه‌م له‌م مانگه‌دا، دژبه لە خوارەبوونی ئاستی حه‌قده‌سته‌كانیان و جێبه‌جێ نه‌كردنی داواكارییه‌كانیان له‌لایه‌ن به‌رپرسانی ئه‌و شێركه‌ته‌وه کارەکانیان ڕاگرت و له حه‌وشه‌ی شێركه‌ته‌كه كۆبوونه‌وه‌ی ناڕەزایه‌تییان به‌ڕێوه‌برد.