Komala

شەوی سێشەممە ٨ی سەرماوەز، پاش شکستی تیمی فووتباڵی کۆماری ئیسلامی لە تیمی میللی ئامریکا و حەزفی ئەو تیمە لە کێبڕکێی جامی جیهانیی قەتەر، خەڵکی ئێران لە هەموو شارەکان و بەتایبەتی کوردستان ڕژانە سەر شەقامەکان و خوشحاڵیی خۆیان دەربڕی و دژ بە ڕژیمی کۆماری ئیسلامی دروشمیان وتەوە.
ڕژیم دیەویست ئەگەر تیمەکەی بڕواتە قۆناغێکی دیکەوە لەو یاریانەدا، ڕۆژی چوارشەممە بکات بە پشووی فەرمی لە هەموو ئێراندا، بەڵام تیمی کۆماری ئیسلامی دۆڕا و بەو دۆڕانە دڵی خەڵکی ئێران بەتایبەتی خەڵکی کوردستان خۆش بوو.خەڵک لە هەموو شارەکان بۆ دەربڕینی خوشحاڵی خۆیان ڕژانە سەر شەقامەکان و دۆڕانێکی دیکە بۆ ڕژیم هاتە ئاراوە.