Komala

ڕۆژی پێنجشەممە ٢٤ی سەرماوەز سونیا شەریفی، منداڵی ١٧ ساڵانی خەڵکی ئابدانانی پارێزگای ئیلام کە لە ڕەوتی خۆپیشاندانە جەماوەرییەکانی ئەم شارەدا لە لایەن هێزە ئەمنییەکانی ڕژیمەوە دەستبەسەر کرابوو، بە دانانی بارمتەی ٤٠٠ میلیۆن تمەنی بە شێوەی کاتی لە زیندانی کانوونی ئیسڵاح و تەربیەتی ئیلام ئازاد بوو.
چەند کاتژمێرێک دوای ئازادی، ژمارەیەک لە هاووڵاتییانی ئابدانان بە هەڵپەڕکێ و سەماوە لە دەروازەی شاری ئابداناندا پێشوازییان لە سونیا کرد.
شایانی باسە کە لە چەند ڕۆژی ڕابردوودا دادسەرای گشتی و شۆڕشی ئابدانان و ئیلام ڕێگرییان کردبوو لە دیاریکردنی پارێزەر بۆ دۆسیەکەی و ڕایانگەیاندبوو کە ناوبراو تۆمەتی «موحارەبە»ی لەسەرە.