سەپاندنی سزای زیندان بەسەر دوو هەڵسووڕاوی کرێکاری شاری بانە
پێنجشەممە ۰۸-۱۰-۱۴۰۱ | 29-12-2022
ئەفشین ڕەشیدی و فواد فارۆقی، دوو کەس لە هەلسووڕاوانی کرێکاری شاری بانە کە پێشتر دەستبەسەر کرابوون، لەلایەن دەزگای دادی کۆماری ئیسلامییەوە بە تۆمەتی “هەوڵ بۆ تێکدانی ئاسایشی میللی” سزای بەندکردنیان بەسەردا سەپا.
لقی ١ی دادگای ئینقلابی شاری سەقز لە شاری بانە سزای یەک ساڵ زیندانی هەڵپەسێردراو بەسەر ئەفشین ڕەشیدی و سزای ۶ مانگ زیندانی هەڵپەسێردراوی بۆ ماوەی ٢ ساڵ بەسەر فواد فارۆقی، سەپاند.
ئەفشین ڕەشیدی و فواد فاروقی، ڕۆژی دووشەممە، ۵ی خاکەلێوەی ئەمساڵ لە سەروبەندی ڕۆژی جیهانیی کرێکار و لەلایەن ناوەندەکانی ڕژیمەوە دەستبەسەر کران.