Komala

کۆڵبەرێکی خەڵکی ڕەبەت سەر بە شاری سەردەشت بە ناوی “حسێن محەممەدی” (تەلان)، لە کاتی کۆڵبەری لە سنووری ئەمشارە و لەئەنجامی تەقەی ڕاستەوخۆی هێزەکانی سپای پاسداران، گیانی لەدەستدا.

بە پێی ئەم ڕاپۆرتە، کاتژمێر ٢٢ی شەوی هەینی ٢١ی ڕێبەندان، هێزە چەکدارەکانی ڕژیم لە سنووری سەردەشت تەقەیان لە کاروانێکی کۆڵبەران کردووە و بە هۆیەوە کۆڵبەرێک بە ناوی حسێن محەممەدی،دەستبەجێ گیانی لەدەست داوە. بە وتەی سەرچاوەیەکی ئاگادار، ئەم کۆڵبەرە لە کاتی پەڕینەوە لە سنووری “نۆکان” کراوەتە ئامانج و تەقەی لێ کراوە.

شایانی باسە تەرمی ناوبراو شەوی ڕابردوو گوازراوەتەوە بۆ نەخۆشخانەی سەردەشت.