Komala

هاووڵاتییەکی خەڵکی شاری پاوە و خوێندکاری زانکۆی ڕازیی کرماشان بە ناوی “سارب ئەحمەدی”، لە ڕێگەی چوونەوە بۆ زانکۆ لەلایەن هێزەکانی ڕژیمەوە ڕفێندرا.

بەپێی ڕاپۆرتەکان، ڕۆژی دووشەممە ١ی ڕەشەممە، هاووڵاتییەک بە ناوی “سارب ئەحمەدی”خەڵکی شاری پاوە و خوێندکاری بواری بوومەلەرزە ناسی لە زانکۆی ڕازیی کرماشان، لە بازگەی پشکنینی قازانچی، لەسەر ڕێگەی کرماشان، لە لایەن هێزەکانی ڕژیمەوە ڕفێندرا. بەوتەی سەچاوەیەکی ئاگادار، ناوبراو لە کاتی ڕفاندنیدا بەتەواوەتی پشکێندراوە و تەلەفۆنەکەشی دەستی بەسەردا گیراوە. جێگەی ئاماژەیە، سارب ئەحمەدی، پاش ئەوەی کە ڕفێندراوە، بۆ شوێنێکی نادیار گواستراوەتەوە و تاکوو کاتی داڕشتنی ئەم هەواڵە، هیچ زانیارییەک لەسەر بارودۆخی لە بەردەستدا نییە.