Komala

پێنج هاووڵاتیی خەڵکی شاری ورمێ بە ناوەکانی نەسیم نەمازی، وەفا هەنارە، ئارام عومەری بەردیانی، ڕەحمان پڕحازوو و مەنسوور ڕەسووڵی، لە کۆتایییەکانی مانگی ڕێبەندانی ١٤٠١ و لەلایەن لقی ٣ی دادگای ڕژیمەوە لە ورمێ بە تۆمەتی “هاوکاریی ئەمنییەتی و سیخوڕی بۆ ئیسرائیل” سزای سێدارەیان بەسەردا سەپێندراوە.
هەروەها ئەو دادگایە بە تۆمەتی هاوشێوە، پێنج هاووڵاتیی دیکەی ئەو شارەی بە ناوەکانی کامران هەنارە، فەخرەدین دووکانلووی میلان، ئەشکان عوسمان‌نژاد گەندووک، حەسەن عومەرپوور و ئەمیر موشتاق گەنگچین، هەر کامێکیان سزای ١٠ ساڵ بەندکردنیان بەسەردا سەپاوە.

ئەو ١٠ بەندکراوە، ساڵی ١٤٠٠ و ١٤٠١ لەلایەن هێزەکانی وەزارەتی ئیتلاعاتی کۆماری ئیسلامییەوە ڕفێندراون و پاشان هەر کامەیان ماوەی چەندین مانگ لە ژووری تاکەکەسیی ئەو ناوەندەدا ئەشکەنجەی جەستەیی و دەروونی دراون.