کوژرانی هاووڵاتییەک لە لایەن هێزەکانی ڕژیم
هەینی ۰۴-۰۱-۱۴۰۲ | 24-03-2023
بەپێی ڕاپۆرتەکان، هێزەکانی ڕژیم لە بەندەرعەباس، هاووڵاتیێەکی خەڵکی شاری شیرازیان بە شێوەیەکی دەڕەندانە کوشتووە.
بەپێی ئەم ڕاپۆرتە، “حسێن ئال عەلی” ٣١ ساڵە و خەڵکی شیراز، هەفتەی ڕابردوو کاتێک کە هێزەکانی ڕژیم هێرشیان کردووتە سەر شوێنی نیشتەجێبوونی لە بەندەر عەباس ، لە نهۆمی چوارەمی باڵەخانەکەوە فڕێدراوەتە خوارێ و ڕۆژی سێشەممە ١ی خاکەلێوە دوای هەفتەیەک بەهۆی قورسی برینەکانییەوە گیانی لەدەستداوە. شایانی باسە، ڕۆژی پێنجشەممە ڕێکەوتی ٣ی خاکەلێوە، تەرمی حسێن ئال عەلی لە گۆڕستانی سەعدی شیراز ئەسپەردەی خاک کراوە.