ئازادی وەفا ڕەسوولی ئازەر بە دانانی بارمتە
شەممە ۰۹-۰۲-۱۴۰۲ | 29-04-2023
ڕۆژی هەینی ٨ی مانگی گوڵان، هاووڵاتییەک بە ناوی “وەفا ڕەسووڵی ئازەر”، ١٨ ساڵە و خەڵکی پیرانشار، بە دانانی بارمتە تا کۆتایی قۆناغەکانی پێڕاگەیشتن بە پەروەندەکەی، بە شێوەی کاتی لە زیندانی نەغەدە ئازاد بوو.
پێویستە ئاماژە بکرێت، ناوبراو ڕۆژی چوارشەممە ٢٨ی مانگی بەفرانباری پارەکە لە لایەن هێزەکانی ڕژیمەوە دەستبەسەر و دوای لێپرسینەوە بۆ زیندانی نەغەدە گوازرایەوە. ئەمە لەحاڵێکدایە کە تا ساتی بڵاوبوونەوەی ئەم هەواڵە، هیچ زانیارییەک لەسەر ئەو تۆمەتانەی کە دراونەتە پاڵ ئەم هاوڵاتییە، لەبەردەستدا نییە.