مەعسوومە سولەیمانی، پاڵەوانی پێشووی زۆرانبازی جارێکی دیکە دەستبەسەرکرایەوە
پێنجشەممە ۲۱-۰۲-۱۴۰۲ | 11-05-2023
ڕۆژی چوارشەممە ٢٠ی گوڵان مەعسوومە سولەیمانی ، ناوبژیوان و یاریزانی زۆرانبازی، لەلایەن هێزەکانی ڕژیمەوە لە شاری خوڕەم ئاوا ناوەندی پارێزگای لوڕستان دەستبەسەرکرا. هەتا ئێستا هیچ زانیارییەک لەسەر هۆکاری دەستبەسەرکران و ئەو تۆمەتانەی کە دراونەتە پاڵ ئەم وەرزشوانە لە بەردەستدا نییە. مەعسوومە سولەیمانی لە ڕۆژی ٢٥ی خەزەڵوەری ١٣٩٨ لە ڕەوتی خۆپیشاندانە سەرتاسەرییەکان دەستبەسەرکرابوو و ماوەی ٣٢ ڕۆژ لە دەستبەسەرگە بەبێ هەبوونی مافی چاوپێکەوتن لە بەندیخانەی ناوەندیی خوڕەم ئاوا تێپەڕاندبوو. شیاوی ئاماژە پێدانە کە، ئەم پاڵەوانی زۆرانبازییە لە ڕێبەندانی ١٣٩٥ دوای گەڕانەوەی لە پاڵەوانی جیهانی زۆرانبازی، بۆ ماوەی شەش مانگ مافی بەشداریکردن و چوونە ناو گۆڕەپانی وەرزشی لێ قەدەغەکرا.