ڕوودانی بوومەلەرزە لە ناوچەی گەهوارەی سەر بە کرماشان
یەکشەممە ۱۴-۰۳-۱۴۰۲ | 04-06-2023
بوومەلەرزەیەک بە گوڕی ٤ و ٧ دەهۆمی پلەی ریختێر، سەرلە بەیانی ڕۆژی یەکشەممە ١٤ی جۆزەردان، ناوچەی “گەهوارە”ی سەربە شارستانی داڵاهوو لە پارێزگای کرماشانی هەژاند.
دامەزراوەی ژێئۆفیزیکی زانکۆی تاران، کاتی ڕوودانی ئەم بوومەلەرزەیەی کاتژمێر ٨ و ٢١ خولەک و ١١ چرکە بە قووڵایی ٨ کیلومیتری زەوی ڕاگەیاندووە. شایانی باسە، بە مەودایەکی کەم دوالەرزەیەکی دیکە بە گوڕی ٤ ڕیختێر لە قووڵایی ٥ کیلومیتری زەوی لەم ناوچەیە ڕوویداوە. ئەمە لەحاڵێکدایە کە هەتا ئێستا هیچ زانیارییەک سەبارەت بە زیانەکانی ئەم بوومەلەرزەیە، ڕانەگەیەندراوە.