گیان لەدەستدانی منداڵێکی کار لە دیواندەرە بە هۆی نائەمنی شوێنی کار
چوارشەممە ۱۷-۰۳-۱۴۰۲ | 07-06-2023
ڕۆژی دووشەممە ١٥ی جۆزەردان سرووش عەبدوڵڵازادە، منداڵی کاری خەڵکی سەقز کە لە دووکانی پڕکردنەوەی کەپسوولی گاز کاری دەکرد، بە هۆی تەقینەوەی گاز گیانی لەدەستدا. ئەم منداڵە تەمەن ١٠ ساڵە چەند ڕۆژ پێش لە شوێنی کارکردنی دا بە هۆی تەقینەوەی گاز بە سەختی بریندار بووە و بۆ ناوەندە دەرمانییەکان گوازراوەتەوە و دوای چەند ڕۆژ مانەوە لە نەخۆشخانە گیانی لەدەست داوە. سەرەڕای ئەوەیکە ئێران یەکێک لەو وڵاتانەیە کە کۆنوانسیۆنی مافی منداڵانی واژۆ کردووە و بڕیاری پاراستنی مافی ئابووری، کۆمەڵایەتی و فەرهەنگی منداڵانی لە ڕێکخراوی نێودەوڵەتی داوە،بەڵام تا ئێستا ڕژیمی جینایەتکاری کۆماری ئیسلامی هیچ هەوڵێکی کاریگەری بۆ دابینکردنی لانیکەمی مافەکانی منداڵان نەداوە.