گواستنەوەی ژنێکی بەندکراو بۆ ژووری تاکەکەسی زیندانی ورمێ
هەینی ۱۹-۰۳-۱۴۰۲ | 09-06-2023
بەپێی ئەو هەواڵانەی بە دەستمان گەیشتوون، ڕۆژی پێنجشەممە ١٨ی جۆزەردان، بەندکراوێکی ژن بە ناوی “پەروین موسەوی” ٥٣ ساڵ تەمەن و خەڵکی شاری ورمێ، لە بەندی ژنانی زیندانی ورمێ بە مەبەستی جێبەجێ کردنی حوکمی ئێعدام گوازرایەوە بۆ ژوری تاکەکەسی ئەم زیندانە.
بەپێی ئەم ڕاپۆرتە، پەروین موسەوی ساڵ ٩٩ بە تۆمەتی “تاوانەکانی پەیوەندیدار بە مادەی هۆشبەر” دەستبەسەر و لە لایەن دەسەڵاتی دادوەری ڕژیمی کۆماری ئیسلامی سزای لەسێدارەدانی بەسەردا سەپێندرا.