Komala

ڕاپۆرتەکان ئاماژە بەوە دەکەن کە لافاو هەشت پارێزگای ئێرانی گرتووەتەوە و بەهۆیەوە گیان لەدەستدان و برینداربوونی نزیکەی ٦٠ کەسی لێکەوتووەتەوە.
جەعفەر میعادفەر، سەرۆکی رێکخراوی فریاکەوتنی ئێران لەم پێوەندەدا رایگەیاندووە، بە هۆی لافاوەوە لە هەشت پارێزگا، ٦ کەس گیانیان لەدەستداوە و لانیکەم ٥٣ کەسی دیکەش بریندار بوون و چەندین کەسیش بێسەروشوێن بوون. ناوبراو ڕاشیگەیاندووە، زۆرترین ژمارەی قوربانییەکان لە پارێزگای ئیسفەهان بوون، کە چوار کەس گیانیان لەدەستداوە و ٩ کەسی دیکەش بریندار بوون. لە هەریەک لە پارێزگاکانی ئازەربایجان و ئەراکیش کەسێک گیانی لەدەستداوە.