Komala

بە دەیان هەزار کەس لە خەڵکی سێربێستان، ڕۆژی هەینی ١٩ی جۆزەردان، لە خۆپیشاندانێک لە شاری “بێلگراد” پێتەختی ئەم وڵاتە، لە ئاست دوو ڕووداوی گەورەی تەقەکردنی مانگی ڕابردوو، خۆپیشاندانیان ئەنجام دا و بە وتنەوەی درووشمی “سێربێستان دژی توندووتیژییە”، خوازیاری دەست لە کار کێشانەوەی کاربەدەستانی دەوڵەتی بوون.
شایانی باسە، خۆپیشاندەران بە درووست کردنی پەیکەرەی کارتۆنی “ئەلێکساندرا ویچ” سەرۆک کۆمار و “ئاننا بێرنابیچ” سەرۆک وەزیرانی ئەم وڵاتە بە جل و بەرگی زیندانەوە، ناڕەزایەتیی خۆیان دەربڕیوە. خۆپیشاندەران هەروەها، خوازیارێ داخرانی ئەو ڕۆژنامە و کاناڵی ڕاگەیاندنانەن کە بە باوەڕی ئەوان کلتۆری توندووتیژی پەرە پێدەدەن. جێگەی ئاماژەیە، مانگی ڕابردوو بەهۆی دوو ڕووداوی تەقەکردن لە شاری بێلگراد، لانیکەم ١٨ هاووڵاتیی لەوانە ١٠ منداڵ گیانیان لەدەست دابوو.