ژەهراوی بوونی بەدەیان کەس لە شاری کەرەج
شەممە ۲۷-۰۳-۱۴۰۲ | 17-06-2023
لە شاری کەرەج سەر بە پارێزگای ئەلبۆرز، ٩٥ کەس بەهۆی خواردنەوەی مادە کەحولییەکانی ساختەوە ڕەوانەی نەخۆشخانە کراون و بەهۆیەوە ١٠ هاووڵاتیی گیانیان لەدەست داوە.
بەپێی ڕاپۆرتێکی ئاژانسی ھەواڵنێری “میزان” سەر بە ڕژیم، لە شاری کەرەج ٩٥ کەس بەھۆی خواردنەوەی (مێتانۆل)ی ساختەوە ژەھراوی بوون و ڕەوانەی نەخۆشخانە کراون. هاوکات چەند کەناڵێکی ناوخۆیی ڕژیم لە زاری سەرچاوە نافەرمییەکان رایانگەیاندووە، ژمارەی ئەو کەسانەی کە گیانیان لەدەست داوه، بۆ نزیکەی ١٥ کەس بەرزبووەتەوە، بەڵام تائێستا بە فەرمی پشتڕاست نەکراوەتەوە.