ئێعدامی بەندکراوێک لە زیندانی ناوەندی کرمان
یەکشەممە ۲۸-۰۳-۱۴۰۲ | 18-06-2023
سەرلەبەیانی ڕۆژی یەکشەممە ٢٨ی جۆزەردان، حوکمی ئێعدامی بەندکراوێکی خەڵکی زاهێدان بە ناوی “فەزل ئەحمەد غەفران”، لە زیندانی ناوەندی کرمان، بەکردەوە دەرهات.
بەپێی زانیارییەکان، فەزل ئەحمەد غەفران چوار ساڵ لەمەوبەر لە لایەن هێزەکانی ڕژیم بە تۆمەتی “تاوانەکانی پێوەندیدار بە مەوادی مۆخەدێر” لە لایەن دادگای شۆڕشی کرمان بە ئێعدام مەحکووم کرابوو. پێویستە بوترێ کە هەواڵی ئێعدامی ئەم بەندکراوە هەتا کاتی داڕشتنی ئەم ڕاپۆرتە، لە لایەن ڕاگەیەنەرەکانی ڕژیم بە تایبەت ڕاگەیەنەرەکانی نزیک لە دەسەڵاتی دادوەری بڵاونەکراوەتەوە.