جێبەجێکردنی سزای سێدارەی بەندکراوێک لە بەندیخانەی ئیلام
سێشەممە ۳۰-۰۳-۱۴۰۲ | 20-06-2023
بەرەبەیانیی ڕۆژی سێشەممە، ٣٠ی جۆزەردان، سزای سێدارەی هاووڵاتییەک بە ناوی عارف هەواسی، تەمەن ٢٨ ساڵ و خەڵکی شاری ئیلام لە بەندیخانەی ناوەندیی ڕژیم لەم شارە جێبەجێ کرا.
بە وتەی سەرچاوەیەکی ئاگادار، عارف هەواسی لە مانگی گوڵانی ١٤٠٠دا دەستبەسەر و ڕەوانەی بەندیخانەی ناوەندیی شاری ئیلام کرا. ناوبراو دواتر لەلایەن دەزگای دادوەریی کۆماری ئیسلامیەوە بە تۆمەتی کوشتنی بەئەنقەست سزای سێدارەی بەسەردا سەپا.