Komala

هاووڵاتییەکی خەڵکی شاری مەهاباد بە ناوی “سەید ئەحمەد تەلانە”، نزیکەی دوو حەفتە  لەمەوبەر لە لایەن هێزەکانی ڕژیمەوە دەستبەسەر کراوە و تا ئێستا چارەنووسی نادیارە.
بەپێی ڕاپۆرتەکان، سەید ئەحمەد تەلانە، تەمەن ٢٨ ساڵ و خەڵکی شاری مەهاباد، ڕۆژی یەکشەممە ٢٨ی جۆزەردان، لە لایەن هێزەکانی ئیدارەی ئیتلاعاتی کۆماری ئیسلامی لەم شارە لە نزیک ماڵەکەی خۆی دەستبەسەر کراوە. تا کاتی داڕشتنی ئەم هەواڵە، هیچ زانیارییەک لەسەر هۆکاری دەستبەسەرکردن و ئەو تۆمەتانەی دراونەتە پاڵ ئەو هاووڵاتییە و هەروەها چارەنووس و شوێنی ڕاگیرانی ناوبراو لەبەردەستدا نییە و بەدواداچوونی بنەماڵەکەی لەم پەیوەندییەدا هیچ ئاکامێکی نەبووە.