گیانلەدەستدانی کۆڵبەرێک بە هۆی تەقەی ڕاستەوخۆی هێزەکانی ڕژیم
چوارشەممە ۰۴-۰۵-۱۴۰۲ | 26-07-2023
کۆڵبەرێکی بەتەمەنی خەڵکی شاری سەقز بە تەقەی ڕاستەوخۆی هێزە چەکدارەکانی ڕژیم لە سنووری ئەم شارە گیانی لەدەست دا.
بەپێی ڕاپۆرتەکان، بەرەبەیانیی ڕۆژی چوارشەممە ٤ی گەلاوێژ، “حەسەن تەوفیق زادە” تەمەن ٦٥ ساڵ، ناسراو بە حەسەن عێراقی و خەڵکی شاری سەقز، بە تەقەی ڕاستەوخۆی هێزە چەکدارەکانی کۆماری ئیسلامی لە سنووری “بەستام” ی ناوچەی “سەرشیو”ی سەر بەو شارە گیانی لەدەستدا. بەپێی زانیارییەکان، ئێستا تەرمی حەسەن تەوفیق زادە بۆ پزیشکی دادوەریی شاری سەقز گواستراوەتەوە.