کوژرانی دڕندانەی کچێکی تەمەن ١٦ ساڵ بە دەستی باوکی
شەممە ۰۱-۰۷-۱۴۰۲   |  23-09-2023
بەپێی ڕاپۆرتەکان، ڕۆژی دووشەممە ٢٧ی خەرمانان، تەرمی “هایدە حەسەنزادە” تەمەن ١٦ ساڵ خەڵکی شاری ڕەبەت لە ناو بەنداوی شاری سەردەشت لە کاتی بەتاڵ کردنی ئاوی بەنداوەکە لە لایەن هاووڵاتییانەوە دۆزرایەوە.
شایانی باسە، تەرمی ئەم کچە لە حاڵێکدا دۆزرایەوە کە بلۆکێکی چیمەنتۆی لە پێیەکانی بەستراوە و دەست، چاوی و زاری بە لەزگە) چەسپ) بەستراوە. هایدە حەسەنزادە لە مانگی جۆزەردانی ئەم ساڵدا، واتە نزیکی چوار مانگ لەمەوبەر بێ سەر شوێن بووە، بنەماڵەکەی پێشتر بۆ پەردەپۆشکاری لە کوشتنی کچەکەیان، بانگەشەی ئەوەیان کردووە کە کچەکەیان چووەتە دەرەوەی ئێران. جێگای ئاماژەیە، ئومێد حەسەنزادە، باوکی ئەم کچە تەمەن ١٦ ساڵەیە، لە ئێستادا دەستبەسەر کراوە و دانی بە تاوانی کوشتنی کچەکەی ناوە.