گیان لەدەستدانی هاووڵاتییەک بەهۆی تەقینەوەی گاز لە ئانکارا
هەینی ۰۷-۰۷-۱۴۰۲ | 29-09-2023
بەگوێرەی زانیارییەکان، سەرلەبەیانی ڕۆژی هەینی ٧ی ڕەزبەر، بەهۆی تەقینەوەی گازی سرووشتی لە ناوچەی مامەک لە ئانکارا، هاووڵاتیێەک گیانی لەدەستدا.
دوێنێش ئاژانسی ئه‌نادۆڵی توركی بڵاویكرده‌وه، لە ئاکامی تەقینەوەیەک لە ناو باڵه‌خانه‌یه‌ك لە ناوچەی “باهچەلیئێڤلەر”ی ئیستانبوڵ، کە پێدەچێت هۆکارەکەی قەتیسبوونی گاز بووبێت، سێ كه‌س گیانیان لەدەستداوە و سێ کەسی دیکەش برینداربوون. به گوێره‌ی زانیارییه‌كانی ئاژانسه‌كه، دوای تەقینەوەکە، دەستبەجێ تیمەکانی ئاگرکوژێنەوە و تەندروستی و پۆلیس گەیشتنە شوێنی رووداوەکە.
ئه‌وه‌ش خراوه‌ته‌ڕوو، بەهۆی تەقینەوەکەوە زیان بەر ژمارەیەک ئۆتۆمبێل كه‌وت و جامی ژمارەیەک باڵه‌خانه‌ی ناوچەکەش شکاون.