Komala

سەفا عائلی، تەمەن ٣٠ ساڵ و خاڵۆی بچووکی ژینا ئەمینی، ٢٩ ڕۆژ لەمەوبەر لە شاری سەقز دەستبەسەر کراوە و پاشان بۆ دەستبەسەرگەی ناوەندە ئەمنییەتییەکانی شاری سنە، کە تا کاتی داڕشتنی ئەم هەواڵە، هیچ جۆرە چاوپێکەوتنێکی لەگەڵ بنەماڵەکەی نەبووە. بەگوێرەی زانیاریی سەرچاوە ئاگادارەکان، جگە لە ڕێگریکردن لە چاوپێکەوتن و پەیوەندیی تەلەفۆنی لەگەڵ بنەماڵە و کەسوکارەکەی، ئەو هاووڵاتییە لەلایەن ناوەند ئەمنییەکانەوە لە مافی هەبوونی پارێزەریش بێبەری کراوە. سەفا عائلی نیوەڕۆی ڕۆژی سێشەممە، ١٤ی خەرمانان لەلایەن هێزەکانی ئیدارەی ئیتلاعاتەوە لە شاری سەقز دەستبەسەر کرا.