Komala

کۆمەڵێک لە هێزە ئەمنییەکانی کۆماری ئیسلامی هەڵیانکوتاوەتە سەر ماڵی هاووڵاتییەکی خەڵکی شاری مەریوان و دوای ئەوەیکە دەستبەسەریان کردووە، بۆ شوێنێکی نادیار گواستراوەتەوە.
ڕۆژی دووشەممە، ١٧ی ڕەزبەر، هاووڵاتییەک بە ناوی بەختیار ساسانی، تەمەن ٤٢ ساڵ و خەڵکی شاری مەریوان لەلایەن هێزە ئەمنییەکانی کۆماری ئیسلامییەوە دەستبەسەر کراوە.
بە وتەی سەرچاوەیەکی ئاگادار، ئەو هێزانە هەڵیانکوتایە سەر ماڵی ئەو هاووڵاتییە لە شاری مەریوان و بەبێ هیچ هۆکارێک دەستبەسەریان کردووە.
تاکوو کاتی داڕشتنی ئەم هەواڵە، هیچ زانیارییەکی ورد و دروست لەسەر هۆکاری دەستبەسەرکردن و هەروەها ئەو تۆمەتانەی دراونەتە پاڵی، لە بەردەستدا نییە.