Komala

ڕۆژی شەممە ٦ی خەزەڵوەر، نووسینگەی راگەیاندنی کۆمپانیای “ئەرسیلۆرمیتال تیریرتاو”ی قەزاخستان رایگەیاند، لە ئەنجامی تەقینەوەی گازی میسان لە کانی “کۆستینکۆڤ” لە شاری “کارا غاندا”ی ئەو وڵاتە، ١٦ کرێکار گیانیان لەدەستدا و ١٨ کەسی دیکەش بریندار بوون.
بەگوێرەی هەمان سەرچاوە، لەکاتی روودانی تەقینەوەکەوە، ٢٥٢ کرێکار لەناو کانێکەدابوون و تا ئێستا ٣١ کەس بێسەروشوێنن. کۆمپانیای “ئەرسیلۆرمیتال تیریرتاو”ی قەزاخستان ئاماژەی بەوەش داوە، تیمەکانی بەرگریی شارستانی لە هەوڵەکانیان بۆ گەڕان بەدوای ئەو ٣١ کەسە بەردەوامن.