Komala

لە ئەنجامی وەڕگەڕانی سرویسی هاتووچۆی کرێکارانی ناوەندی بەرهەمهێنانی سۆهان لە شارستانی سلفچگان، زیاتر لە ١٠ کرێکار بریندار بوون.
بەپێی ڕاپۆرتەکان، شەوی ڕابردوو کرێکارانی ئەم ناوەندە بەرهەمهێنەرە لە کاتی گەڕانەوە بۆ ماڵ و لە ڕێگای نێوان قۆم بۆ سلفچگان لە نزیک گوندی “تاج خاتوون”، تووشی ئەم ڕووداوە هاتوون و بەهۆیەوە ١٦ کرێکار برینداربوون. پێویستە ئاماژە بکرێت کە ساڵانە بە سەدان کەس بەهۆی ستاندارد نەبوونی ڕێگاوبان، کەرەستەکانی هاتووچۆ و کەمتەرخەمی بەرپرسانی پێوەندیدار لەئاست پاراستنی گیانی هاووڵاتییان، دەبنە قوربانی ڕووداوەکانی هاتووچۆ لە ئێران.