کۆبوونەوەی ناڕەزایەتیی خانەنشین کراوانی فوولاد لە شارەکانی تاران و ئیسفەهان
یەکشەممە ۰۵-۰۹-۱۴۰۲ | 26-11-2023
ڕۆژی یەکشەممە ٥ی سەرماوەز، کۆمەڵێک لە خانەنشین کراوانی فوولاد لە شارەکانی تاران و ئیسفەهان، لە ناڕەزایەتیی بە جێبەجێ نەکرانی خواستەکانیان دەستیاندایە کۆبوونەوە.
بەپێی ئەم ڕاپۆرتە، خانەنشین کراوانی فوولادی تاران بە کۆبوونەوە لە بەرامبەر سندووقی خانەنشینی فوولاد لە شەقامی “وزرا” لەمشارە و وتنەوەی چەندین درووشمی ئێعتڕازی، خۆازیاری وەڵامدانەوەی بەرپرسان بە کێشە و گرفتەکانیان بوون. هەروەها خانەنشین کراوانی فوولادی ئیسفەهان لە ئاست پێڕانەگەیشتن بە خواستەکانیان، بۆ جارێکی دیکە لە بەرامبەر سندووقی خانەنشینی ئەمشارە کۆبوونەوە و ناڕەزایەتییان دەربڕی.