درێژەی مانگرتنی بازاڕییان لە بەندەر گەناوە
هەینی ۱۷-۰۹-۱۴۰۲ | 08-12-2023
بازاڕییانی بەندەر گەناوە ئەمڕۆ هەینی ١٧ی سەرماوەز بۆ سێزدەهەمین ڕۆژی بەردەوام، درێژەیان بە مانگرتنەکەیان دا.
بەپێی ئەم ڕاپۆرتە، کۆمەڵێک لە بازاڕییان و خاوەن گەمییەکانی بەندەر گەناوە، بە ڕێپێوان لە ئاستی ئەمشارە و کۆبوونەوە لە گۆڕەپانی خومەینی لە ناوەندی بەندەر گەناوە، لەئاست بارودۆخی نالەباری ژیانیان و ڕێگە نەدان بە هاوردە کردنی شتومەکەکانیان لە گومورکەوە، بۆ جارێکی دیکە ناڕەزایەتییان دەربڕی.