ڕاگوێزرانی دوو بەندکراو بۆ ژووری تاکەکەسی زیندانی سەبزەوار
شەممە ۲۵-۰۹-۱۴۰۲ | 16-12-2023
بەپێی ڕاپۆرتەکان، دوو هاووڵاتیی بە ناوەکانی “هاشم زوورئابادی” و “مێهدی نەوباغی” کە پێشتر بە ئێعدام مەحکووم کرابوون، ڕۆژی هەینی ٢٤ی سەرماوەز، بە مەبەستی جێبەجێ کردنی حوکمەکەیان گوازترانەوە بۆ ژووری تاکەکەسی زیندانی سەبزەوار.
بەپێی ئەم ڕاپۆرتە، “هاشم زوورئابادی” تەمەن ٤٢ ساڵ بە تۆمەتی “بەشداری لە کوشتنی کەسێکی دیکە” و “مێهدی نەوباغی” تەمەن ٥٢ ساڵ، بە تۆمەتی “بازەرگانی کردن بە مادە هۆشبەرەکان”، دەستبەسەر و لە لایەن دادگاوە بە ئێعدام مەحکووم کرابوون.