Komala

بەشی پەیوەندییە گشتییەکانی سپای پاسداڕان بڵاوی کردەوە، لە هێرشێکی فڕۆکە جەنگییەکانی سپای ئیسرائیل بۆ سەر ژمارەیەک لە هێزەکانی سوورییە، چوار راوێژکاری سەربازیان لە دەمێشق پایتەختی سوورییە کوژراون.
هەروەها ناوی کوژراوەکانی ئاشکرا کردووە کە یەکێکیان یاریدەدەری بەرپرسی هەواڵگری فەیلەقی قودسی سپای پاسدارانە و ناوی حوجەتوڵڵا ئومێدەوارە و سێ راوێژکارەکەی دیکەش بەناوەکانی عەلی ئاغازادە، حسێن محەمەدی و سەعید کەریمی ڕاگەیەندراوە.
پێشتر روانگەی سووری بۆ مافەکانی مرۆڤ بڵاویکردەوە، سپای ئیسرائیل کۆبوونەوەیەکی سەرکردەی گرووپە چەکدارەکانی نزیک لە کۆماری ئیسلامی لە باڵەخانەیەکی گەڕەکی مەزە لە دیمەشق کردووەتە ئامانج و بە تەواوی وێرانی کردووە.