هێرشی مووشەکی کۆماری ئیسلامی بۆ سەر ئیسڕائیل
یەکشەممە ۲۶-۰۱-۱۴۰۳ | 14-04-2024
دانیال هەگاری وتەبێژی ئەڕتەشی ئیسڕائیل ڕیگەیاند، کۆماری ئیسلامی بە دەیان مووشەک و درۆنەوە هێرشی کردووەتە سەر خاکی ئیسڕائیل کە زۆربەی مشەکەکان لە دەرەوەی سنووری ئەم وڵاتە پووچەڵ کراونەتەوە.
روونیشی كرده‌وه، تاكو ئێستا كۆماری ئیسلامی ٢٠٠ درۆن و مووشه‌كی ئاراسته‌ی ئیسرائیل كردووه. درەنگانی شەوی شەممە لەسەر یەکشەممە ٢٥ی خاکەلێوە، سپای پاسدارانی کۆماری ئیسلامی بە دەیان مووشەک و فڕۆکەی بێ فڕۆکەوان هێرشەکەی بۆ سەر ئیسرائیل دەستی پێکرد. ئەم هێرشەی کۆماری ئیسلامی لە وەڵامی کوژرانی حەوت ئەندامەکەی سپای پاسداران بوو کە لە هێرشێکی ئیسرائیل بۆ سەر کونسوڵخانەی ڕژیم لە دەمێشق پایتەختی سوورییە کرابوونە ئامانج.