Komala

کاتژمێر ٢ی بەرەبەیانیی ڕۆژی چوارشەممە ٢٩ی خاکەلێوە، گەشتی شەوانەی هێزە ئینتزامییەکانی ڕژیم لە نزیکی گۆڕەپانی قەڵەمی تیکاب تەقەیان لە ئۆتۆمبێلی هاووڵاتییەک (جۆری پراید) کردووە و لە ئاکامی ئەو دەستڕێژەدا دوو هاووڵاتیی بەسەختی بریندار کراون و لە کۆمادان.
بەوتەی سەرچاوەکانی هەواڵ لە شاری تیکاب، پەرویز ئەمین محەممەدی تەمەن ٢٩ ساڵ سەری بریندار کراوە و گوللەکە لە سەریدا ماوەتەوە و ئێستا لە نەخۆشخانەی تیکاب لە کۆمادایە.
هەروەها بەهمەن موحسینی تەمەن ٣٥ ساڵ دوای ئەوەی سەری بە گوللە پێکراوە و گوللەکە لە زاری دەرچووە، ئێستا لە نەخۆشخانەی خومەینیی ورمێ لە کۆمادایە.