Komala

بەپێی زانیارییەکان، زیاتر لە ١٦ ڕۆژ بە سەر دەستبەسەر کرانی “زانا حەسەن زادە” ڕەپێری تەمەن ٢٤ ساڵی خەڵکی شاری بۆکان تێدەپەڕێت، بەڵام تا ئێستا هیچ زانیارییەک لە سەر چارەنوس و شوێنی ڕاگیرانی بەدەست نییە.
بە پێی ئەم ڕاپۆرتە، تا ئێستا بەدواچوونی بنەماڵەی ئەم لاوە بۆ ئاگادار بوون لە چارەنوس و شوێنی ڕاگیرانی بێ ئاکام بووە و ئەمەش نیگەرانی جددی کەسوکارەکەی زیاتر کردووە. جێگای ئاماژەیە، زانا حەسەن زادە بە هۆی بڵاو کردنەوەی ئیستۆریەک لە پەیجی تایبەتی خۆی لە ئینستاگرام لە پێوەند لەگەڵ مەرگی ئیبراهیم رەئیسی لە ٢ی جۆزەردانی ١٤٠٣، لە ماڵی باوکی لە شاری بۆکان لە لایەن هێزە ئەمنییەکانەوە دەستبەسەر کراوە.