Komala

بەپێی ڕاپۆرتەکان، شەوی پێنجشەممە ٣١ی جۆزەردان، “ئەرکان باڵواسە” تەمەن ٢٩ ساڵ و خەڵکی گوندی “جەلیلە” سەر بە شاری مەریوان، بە تەقەی ڕاستەوخۆی هێزە چەکدارەکانی ڕژیم لە سنووری “تەتە” گیانی لەدەستدا.
بە وتەی سەرچاوەیەکی ئاگادار، هێزە چەکدارەکانی ڕژیم لە کاتێکدا تەقەی ڕاستەوخۆیان لە ئەرکان باڵواسە کردووە کە هیچ کەلوپەلێکی قاچاغی پێ نەبووە. تەرمی ئەو کۆڵبەرە لاوە دوای گواستنەوەی بۆ نەخۆشخانەی مەریوان، ڕۆژی شەممە ١ی پووشپەڕ، لە گوندەکەیان بە خاک سپێندرا. شایانی باسە، هاوکات لەگەڵ ئەم ڕووداوە، کۆڵبەرێکی دیکەش بە ناوی بچووکی “دانا” خەڵکی گوندی “گڵیە”ی مەریوان بە تەقەی ڕاستەوخۆی ئەم چەکدارانە بریندار کراوە.