Komala

بە هەزاران کەس لە ژنانی فەڕانسه، ڕۆژی یەکشەممە ٣ی پووشپەڕ، لە شارەکانی ئەم وڵاتە هاتنە سەر شەقامەکان و لەدژی پارتی دەستەڕاستی “کۆبوونەوەی نیشتمانی” بە ڕێبەری مارییەن لۆپێن، خۆپیشاندانیان ئەنجام دا.
ئەم خۆپیشاندانە لەحاڵێکدایە کە گشت پرسییەکان نیشانی دەدا، پارتەکەی مارییەن لۆپێن لە هەڵبژاردنەکانی پەرلەمانی داهاتووی ئەم وڵاتە لە پێشەوەیە. شایانی باسە، ئەم خۆپیشاندانانە لە لایەن ٢٠٠ گرووپ و یەکێتیی ژنان لە شارە جۆراوجۆرەکانی فەڕانسە لەوانە پاریس ڕێکخراوە. خۆپیشاندەران دەڵێن: مافی ژنان کاتێک پێشێل دەکرێ کە وڵات لە لایەن پارتە دەستەڕاستەییەکان ئیدارە بکرێ. جێگای ئاماژەیە، تەنیا لە شاری پاریس، ١٠٠ هەزار کەس لەم خۆپیشاندانە بەشدارییان کردبوو.