Komala

کێشەی کۆمەڵایەتی، بێکاریی و خراپی دۆخی دارایی ڕێژەی خۆکوشتنیان لەناو هاووڵاتییانی عێراق زیاد کردووە.
بەگوێرەی ڕاپۆرتی دەزگا ئەمنییەکان، لە ماوەی 72 کاتژمێردا حەوت کەس لە پارێزگاکانی عێراق خۆیان کوشتووە. خۆکوشتنەکان دابەشبوون بەسەر بەغدا و پارێزگاکانی باشوور. لە بەغدا چوار کەس خۆیان کوشتووە و لە موسەنا سێ کەس. زۆرینەی ئەو کەسانەش خۆیان دەکوژن تەمەنیان لەنێوان  ١٥ بۆ ٣٥ ساڵە. دەزگا ئەمنییەکانی عێراق باس لەوە دەکەن، خۆکوشتن لەناو عێراقییەکاندا بووە بە شتێکی ڕۆژانە، چونکە هەموو ڕۆژێک کەسێک یاخود چەند کەسێک کۆتایی بەژیانی خۆیان دەهێنن.