Komala

بەپێی ڕاپۆرتەکان، ڕۆژی یەکشەممە ١٤ی گەلاوێژ، ئیدریس مۆرادی، تەمەن ٤٠ ساڵ و چالاکی سیاسی و بەندکراوی سیاسیی پێشووی خەڵکی ڕوانسەر، دوای بانگکرانی بۆ ئیدارەی ئیتلاعاتی ئەمشارە، دەستبەسەر و بۆ شوێنێکی نادیار گواسترایەوە.
تا کاتی داڕشتنی ئەم هەواڵە، زانیاری ورد لە سەر هۆکاری دەستبەسەرکران، تۆمەتی سەپێندراو، چارەنووس و شوێنی ڕاگرتنی ئیدریس مۆرادی لە بەر دەستدا نییە. جێگای ئاماژەیە، ئیدریس مۆرادی نزیکەی ١٠ ساڵ لەمەوبەر بە تۆمەتی ئەندامەتی لە یەکێک لە حیزبە کوردستانییەکانی دژبەری حکومەت دەستبەسەر و دوای ١٨ مانگ بەندکران لە زیندانی ناوەندیی پاوە ئازاد کرابوو.