Komala

لەئەنجامی ڕووداوێکی تەقەکردن لە شاری “بێرمێنگەم” لە ویلایەتی ئالابامای ئەمریکا، لانیکەم ٦ کەس گیانیان لەدەستداوە و ٢١ کەسی دیکەش برینداربوون.
بەپێی ڕاپۆرتە سەرەتاییەکان، دۆخی ٤ کەس لە برینداربووەکان ناجێگیر ڕاگەیەندراوە. هەتا ئێستا وردەکاری ئەم ڕووداوە و ژمارەی هێرشبەرەکان بڵاونەکراوەتەوە. بەوتەی پۆلیسی ئەمریکا، شەوی شەممە لەسەر یەکشەممە ٣١ی خەرمانان، چەندین هێرشبەر لە شاری بێرمێنگەم بەرەو خەڵک تەقەیان کردووە و بەهۆیەوە ژنێک و پیاوێک لەشوێنی ڕووداوەکە گیانیان لەدەستداوە و ٤ کەسی دیکەش لە نەخۆشخانە بەهۆی سەختی برینەکانیانەوە گیانیان لەدەست داوە.