Komala

بەپێی ڕاپۆرتەکان، ڕۆژی دووشەممە ٣٠ی ڕەزبەر، “هاروون سەلیمی” تەمەن ٣٣ ساڵ و خەڵکی گوندی “شیان” سەر بە شاری سنە، لە لایەن هێزەکانی ئیدارەی ئیتلاعاتی ئەو شارەوە دەستبەسەر و بۆ شوێنێکی نادیار گواسترایەوە و زانیارییەک لەچارەنووسی لەبەر دەستدا نییە.
بەوتەی سەرچاوەیەکی ئاگادار، هێزەکانی ئیدارەی ئیتلاعات ئەو هاووڵاتییەیان لە یەکێک لە شەقامەکانی شاری سنە و بێ هیچ هۆکارێک دەستبەسەر کردووە. هەتا کاتی داڕشتنی ئەم هەواڵە، زانیارییەکی ورد لەسەر هۆکارەکانی دەستبەسەرکران، ئەو تۆمەتانەی دراونەتە پاڵ ئەو هاووڵاتییە، هەروەها چارەنووس و شوێنی ڕاگرتنی لەبەر دەستدا نییە و بەدواداچوونی بنەماڵەکەی لەو بارەیەدا بێ‌ئاکام ماوەتەوە.