![](https://i0.wp.com/komala.co/wp-content/uploads/2024/12/%DA%95%D8%A7%DA%AF%D9%88%DB%8E%D8%B2%D8%B1%D8%A7%D9%86%DB%8C-%D8%B3%D8%A7%D9%85%D8%A7%D9%86-%D9%85%D8%AD%DB%95%D9%85%D9%85%DB%95%D8%AF%DB%8C-%D8%A8%DB%86-%DA%98%D9%88%D9%88%D8%B1%DB%8C-%D8%AA%D8%A7%DA%A9%DB%95%DA%A9%DB%95%D8%B3%DB%8C-%D8%B2%DB%8C%D9%86%D8%AF%D8%A7%D9%86%DB%8C-%D9%82%D8%B2%DA%B5%D8%AD%DB%8C%D8%B3%D8%A7%D8%B1%DB%8C-%DA%A9%DB%95%D8%B1%DB%95%D8%AC.jpg?resize=979%2C1024&ssl=1)
ڕۆژی شەممە ٢٤ی سەرماوەز، “سامان محەممەدی خەیارە”، تەمەن ٣٤ ساڵ و خەڵکی شاری سنە، بەمەبەستی جێبەجێکرانی حوکمی ئێعدامەکەی، بۆ ژووری تاکەکەسی زیندانی قزڵحیساری کەرەج گواسترایەوە.
جێگای ئاماژەیە، ناوبراو لە کاتی دەستبەسەر کرانی دا، تەنیا ١٩ ساڵی تەمەن بووە و لە ماوەی ١٥ ساڵی ڕابردوودا لە مافی مەرەخەسی بێبەش بووە. شایانی باسە، ژمارەیەک لە ئەندامانی بنەماڵەی محەممەدی ئەمڕۆ یەکشەممە بەمەبەستی دوایین چاوپێکەوتن لەگەڵ سامان ڕۆیشتوونەتە کەرەج و بڕیار وایە حوکمی ئێعدامەکەی لە ماوەی چەند کاتژمێری داهاتوودا جێبەجێ بکرێت. سامان محەممەدی ١٥ ساڵ لەمەوبەر لە لایەن هێزەکانی وەزارەتی ئیتلاعاتەوە دەستبەسەر و لە لایەن لقی ١٥ی دادگای شۆڕشی تاران بە تۆمەتی”موحاربە” و”ئەندامێتی لە گرووپە دژبەرەکانی ڕژیم” حوکمی ئێعدامی بەسەردا سەپێندراوە.