Komala

سەرلە بەیانی هەینی ٧ی بەفرانبار، دوو هاووڵاتیی بە ناوەکانی “ئارام محەممەدی” و “بێهزاد مەحمودی” خەڵکی پەسوێی پیرانشار لە لایەن هێزە ئەمنییەکانی ڕژیمەوە دەستبەسەر کران.
بە پێی زانیارییەکان، ئەم دوو هاووڵاتییە بە بەکارهێنانی توندووتیژی لە ماڵەکانیان لە لایەن هێزە ئەمنییەکانەوە دەستبەسەر کراون. تاکاتی داڕشتنی ئەم هەواڵە، هیچ زانیاریەک لە سەر هۆکاری دەستبەسەر کردن و شوێنی ڕاگیرانی ئەم دوو هاووڵاتییە لەبەر دەستدا نییە.