کوژرانی ژنێک بەدەستی هاوژینەکەی لە ئیلام
سێشەممە ۱۸-۱۰-۱۴۰۳ | 07-01-2025
ڕۆژی سێشەممە ١٨ی بەفرانبار، ژنێکی گەنجی تەمەن ٢٨ ساڵ بە ناوی زارا شەهبازی لە یەکێک لە گەڕەکەکانی شاری ئیلام، لە لایەن هاوژینەکەیەوە و لە پێش چاوی منداڵە ١٤ ساڵانەکەی بە هۆی ناکۆکی بنەماڵەیی کوژرا.
شایانی باسە، زارا شەهبازی لە تەمەنی ١٤ ساڵی بە زۆر ناچار بە پێکهێنانی ژیانی هاوبەش کراوە و قوربانی منداڵ هاوسەری بووە. بکوژ کە تەمەن ٣٢ ساڵە لە دوای ئەم تاوانە، هەڵاتووە و هەوڵەکان بۆ دەستبەسەرکردنی ناوبراو دەستی پێکردووە. بە پشتبەستن بە ئامارە تۆمارکراوەکان، لە ماوەی ساڵی ٢٠٢٤، پارێزگای ئیلام بە ٩ حاڵەتی ژنکوژی، یەکێک لەو پارێزگایانە بووە کە زۆرترین حاڵەتی ژنکوژی تێیدا تۆمار کراوە.