ئازاد کرانی محەممەد حەبیبی وتەبێژی کانوونی سێنفی موعەلیمانی تاران لە زیندانی ئێڤین
پێنجشەممە ۰۲-۱۲-۱۴۰۳ | 20-02-2025
ڕۆژی چوارشەممە ١ی ڕەشەممە، “محەممەد حەبیبی” وتەبێژی کانوونی سێنفی موعەلیمانی تاران، بە دوای تەواو بوونی ماوەی حوکمەکەی، لە زیندانی ئێڤین ئازاد کرا.
بەپێی ڕاپۆرتەکان، ئەم چالاکە سێنفییە کە بەهۆی دەربڕینی ناڕەزایەتیی بە ژەهراوی کردنی بەردەوامی خوێندکاران، لە لایەن دادگاوە بە شەش مانگ زیندان مەحکووم کرابوو، بە دوای کۆتایی هاتنی حوکمی بەندکرانەکەی، لە زیندانی ئێڤین ئازاد کرا.