Komala

لەئەنجامی بارانی بەخوڕ و هەستانی لافاو، بەشێکی زۆری شەقامەکانی شاری باهیا بلانکای ئاڕژانتین، ژێرئاو کەوتوون و بەهۆیەوە لانیکەم ١٠ کەس گیانیان لەدەست داوە.
بە گوێرەی زانیاریی میدیاکانی ئاڕژانتین، بەهۆی بارانە بەخوڕەکەی بەرەبەیانیی ڕۆژی هەینی ١٧ی ڕەشەممە کە بۆ ماوەی زیاتر لە حەوت کاتژمێر بەردەوام بووە، زیاتر لە ٣٠٠ میلیمیتر باران باریوە. جێگای ئاماژەیە، شاری باهیا بلانکا کە دەکەوێتە باشووری بۆینس ئایرس پایتەختی ئاڕژانتین، بەهۆی ئەم لافاوە چەندین شەقامی سەرەکیی کەوتووەتە بن ئاو و بە دەیان هەزار هاووڵاتیشی ئاوارە بوون.