Komala

بەپێی زانیارییەکان، ڕۆژی شەممە ٢٥ی ڕەشەممە، “موژگان ئازەرپیشە”، بەندکراوی خەڵکی ورمێ و “کەوسەر باقرنژاد” بەندکراوی خەڵکی نەغەدە، بەمەبەستی جێبەجێکردنی حوکمی ئێعدامەکەیان، بۆ ژووری تاکەکەسی زیندانی ناوەندیی ورمێ گواسترانەوە.
بە وتەی سەرچاوەیەکی ئاگادار، بڕیارە بەرەبەیانی ئەمڕۆ یەکشەممە ٢٦ی ڕەشەممە، حوکمی ئێعدامی موژگان ئازەرپیشە و کەوسەر باقرنژاد جێبەجێ بکرێت. موژگان ئازەرپیشە و کەوسەر باقرنژاد سێ ساڵ لەمەوبەر بە تۆمەتی “کوشتنی بە ئەنقەست” و لە دوو دۆسیەی جیاجیادا هەردووکیان دەستبەسەر و حوکمی ئێعدامیان بەسەردا سەپێندرا.